![]() |
ما معنى انطوائي |
كتبت : إيمان توفيق
شخص انطوائي وليس متوحد - الشخصيات أنواع، فيه شخصية اجتماعية، وانطوائية، ومحايدة، والمجتمع العربي الحقيقة ظالم الشخصية الانطوائية جدًا، وهنعرف ليه دلوقتي بس بعد ما نعرف الفرق بين الشخصيات دي: الشخصية الاجتماعية اللي بيتميز بها بيكون شخص بيحب يتعامل مع الناس كتير، يحضر حفلات ومناسبات، يشترك في أنشطة اجتماعية، بيتكلم كتير، يلفت انتباه الناس اللي موجودة، يعمل صداقات كتير بس ما بيهتمش إن تكون الصداقات دي عميقة وقوية؛ لأنه بيهتم بعددها أكتر من قوتها، وبيحب يشتغل في عمل جماعي أكتر من إنه يشتغل لوحده.
الشخصية المحايدة
من هنا نقدر نقول ما معنى انطوائي وليها شخصيات كتير ولكن في الفقرة دي بنتكل عن الشخصية المحايدة. هي اللي بتجمع صفات انطوائية واجتماعية في نفس الوقت، صاحب الشخصية دي بيكون شخص معندوش مشكلة يقعد مع نفسه، أو يحضر حفلات ومناسبات ويخرج مع ناس كتير، يشتغل في عمل جماعي، أو يشتغل لوحده، يتكلم كتير، أو يسكت خالص.
![]() |
الانطوائية في الإسلام - ما معنى انطوائي |
الشخصية الانطوائية
علامات الشخص الانطوائي من هو الشخص الانطوائي الناس بتعتبر الشخص الانطوائي شخص معقد، خجول، متوحد، ومعندوش ثقة في نفسه، وده مش صح إطلاقا؛ لأن لو كان ده حقيقي مكانش هيبقي معظم الناجحين من العلماء، المخترعين، الأدباء، والفلاسفة شخص انطوائي في الأساس أمثال بيل جيتس -مخترع شركة مايكروسوفت- أينشتاين، نيوتن وغيرهم، ده غير إن الخجل، وعدم الثقة في النفس ده ممكن يكون موجود حتى عند الأشخاص الاجتماعيين، فالناس للأسف دايمًا بتضغط على الانطوائي، وبيضايقوه بمحاولاتهم المتكررة إنهم يغيروه ويخلوه شخص اجتماعي ويتكلم كتير وده مش هيحصل غصب عنه ولو حاول بالغصب هيتعب وطبيعته هتغلب عليه.
![]() |
مميزات وعيوب الشخصية الانطوائية - ما معنى انطوائي |
طبيعة شخص انطوائي
الشخصية الانطوائية عكس الاجتماعية اللي قولنا عليها، الشخص الانطوائي، ما بيحبش يتعامل مع ناس كتير، ما بيحبش يحضر حفلات أو مناسبات كتير، بيهتم بإن صداقاته تكون قليلة وقوية أكتر من اهتمامه إن يكون عددها كبير، بيحب يشتغل لوحده أكتر ما يشتغل مع مجموعة؛ لأن انتاجيته بتزيد وهو لوحده بيعرف يركز أكتر، ويبدع أكتر، ما بيحبش يكون محور اهتمام حد ولا بيسعى إنه يلفت النظر ليه، ولو راح مكان جديد غالبًا ما بياخدش المبادرة في إنه يتعرف على الناس، إلا إذا هم بينوا قبولهم ليه، وحسسوه إنهم عايزين يتعرفوا عليه، ما بيحبش يتكلم كتير، بيكره الكلام اللي مش مفيد، الانطوائي مستمع جيد، لو حكيتله مشكلة هيسمعك بس مش عشان يرد وخلاص، لا هيسمعك ويحلل الكلام؛ عشان يحاول يساعدك في مشكلتك، وبالتالي لو فيه شخص انطوائي قريب منك، فهيكون هو أحسن شخص ممكن تاخد رأيه في حاجة؛هل الانطوائي ذكي؟ الانطوائي شخص ذكي جدًا و دايمًا بيهتم بتحليل الأمور والتفكير في حل المشكلات.
![]() |
الانطوائية في الإسلام - ما معنى انطوائي |
أسرار شخص انطوائي
الشخص الانطوائي بيكره الكلام المطاط، بالذات من الناس اللي مش قريبين منه أو مش بيرتاح معاهم، زي الكلام الكتير في نفس الوقت اللي من نوعية ازيك، عامل إيه؟ وأخبارك إيه؟ إزي أهلك؟ طب أكلت إيه النهارده؟ طب هتاكل إيه بكره؟ روحت فين امبارح؟ الكلام المبالغ فيه ده بيستهلك طاقته على الفاضي، وبالنسبة له هو كلام مالوش أي فايدة، فهتلاحظ إنه ما بيحبش يتكلم مع الناس اللي بتعمل كده وبيتهرب منهم. مش بيهتم بأعياد الميلاد سواء الخاصة بيه أو بغيره وممكن يتهرب من المناسبات اللي زي دي طالما هي تبع شخص مش بيحبه أو مش صديق قريب منه أوي، فماتضغطش عليه إنه يحضر مناسبة مش عايز يحضرها؛ لأنه هيفضل يتهرب ولو حضرها بس عشان ما يزعلكش، فهيكون باين عليه إنه مش مرتاح و عايز يمشي، ورغم عدم حبه للمناسبات دي إلا إنه بيهتم جدًا بالناس القريبين منه، وشريك حياته وبيعرف يعمل عيد ميلاد لطيف وبيستمتع معاهم بعيد ميلاده في مكان هادي، بدون ما يكون فيه ناس كتير مايعرفهمش أو مش بيرتاح لهم.
![]() |
علامات الشخص الانطوائي - ما معنى انطوائي |
لو أنت لقيت نفسك قريب من شخص انطوائي، وبيتكلم معاك كتير ساعتها إعرف إن أنت حد مميز بالنسبة له؛ لأن الانطوائي بطبيعته قبل ما يختار شخص، بيفكر كتير، بيحلل شخصيته، و بيشوف هيرتاح معاه ولا لا فبيختار الناس بعناية. شخص انطوائي بيحب من فترة للتانية إنه يكون لوحده تمامًا، يفكر مع نفسه ويعمل حاجات مع نفسه من غير ما يسأل على حد، ولا حد يسأل عليه وبيكون عايز الناس تحترم حدوده وطبيعته وتسيبه براحته.
الجانب المظلم شخص انطوائي
زي ما كل حاجة لها مميزاتها وعيوبها فالانطوائي له جانب سلبي بيأثر عليه هو شخصيًا ومن الجوانب دي:
كيف يفكر شخص انطوائي
ذطرنا وتعرفن علي الانطوائية في الإسلام ولكن يجب ان نتعرف علي كيف يفكر الانطوائي بيفكر كتير جدًا في كل حاجة، وبالذات في أوقات الراحة اللي مش بيعمل فيها حاجة، وده بيدخله أحيانًا في حالات حزن واكتئاب؛ لأنه بيفكر بشكل زايد وبيفكر في مشاعره وعواطفه كمان، يعني لو حصل معاه موقف ضايقة الصبح هيقعد بالليل مع نفسه، يعيد ويزيد الموقف ده في دماغه، و لو أنت شخص انطوائي كده فالحل إنك تلعب رياضة حتي لو فردية أو تكلم صديق قريب منك.
![]() |
شخص انطوائي - ما معنى انطوائي |
علامات الشخص الانطوائي
شخص انطوائي مش بيحب يشارك مشاعره مع الناس، وممكن يحصل موقف يضايقه بس هو يفضل إنه يسكت على إنه يواجه ويخرج من منطقة الراحة بتاعته، وكبت المشاعر ده بيأثر عليه، وممكن يسبب له مشاكل نفسية والحل في ده لو أنت كده، إنك تتعلم تواجه اللي ضايقك، تتكلم مع حد ترتاح له وقريب منك، أو تكتب مشاعرك على ورق المهم إنك تخرجها بأي شكل من جواك، وأحيانًا لو ده ما نفعش فمن الأفضل إنك تروح لمعالج نفسي تتكلم معاه كل فترة؛ عشان تخفف الكبت والضغط النفسي ده من عليك.
اقرأ أيضا : غير النظارة
شخص انطوائي مش بيتواصل مع الناس لفترات طويلة
الانطوائي ممكن ميكلمش الناس حتى القريبين منه لفترات طويلة؛ لأنه زي ما قولنا بيحب العزلة والهدوء، وده بسبب له أنه يخسر الناس دي؛ لأنهم بيفكروا إنه مش عايز يكلمهم ، وبيبعد عنهم وده حله لو أنت كده، إنك تحاول تتواصل معاهم ولو تواصل بسيط كل فترة؛ عشان ما يحسوش إنك قاصد تبعد عنهم، وتخسرهم، والأفضل طبعًا، إنك تفهمهم طبيعة شخصيتك.
![]() |
مميزات وعيوب الشخصية الانطوائية - ما معنى انطوائي |
العلاقة مع شخص انطوائي
شخص انطوائي بيتأثر بمشاعر الآخرين جدًا؛ لأنه شخص حساس، بيتعاطف مع الناس، و يمتص مشاعرهم لدرجة ممكن تأذيه أو تسبب له الحزن والحل لو أنت كده، إنك طبعًا تفضل تتعاطف مع الناس عادي، وتحاول تساعدهم في مشاكلهم لكن لو اتكرر الموضوع من نفس الشخص وزود في إنه يشتكيلك ويضغط عليك وابتديت تضايق وتدخل في الحزن، ساعتها لازم تحط حدود وتخفف تواصل معاه.
التشاؤم
شخص انطوائي بيكون متشائم أكتر بكتير من الاجتماعي؛ لأنه دايمًا بيحاول يكون واقعي ويحلل الأمور، لو أنت انطوائي كده، حاول تدور على الحاجات الإيجابية في اللي بيحصل وركز عليها.
اقرأ أيضا : اللوم
جلد الذات
شخص انطوائي لو فشل في حاجة بيتجاهل كل إيجابياته التانية، وبيقول على نفسه فاشل وعديم المسؤولية، والحل لو أنت كده إنك تفكر نفسك إنك بتعمل انجازات تانية كتير وإن أنت مش عبارة عن الموقف ده بس.
بناءً على كل اللي فات، فالناس فعلا محتاجة تعرف إن الانطوائية دي نمط من أنماط الشخصية وإن دي مش مشكلة محتاجين نلاقيلها حل، إحنا محتاجين نتقبلها فقط، ونقرب للانطوائي لأنه مكسب لأي حد هو يقرب منه.
![]() |
علامات الشخص الانطوائي - ما معنى انطوائي - الانطوائية في الإسلام |
وبردو مهم نعرف إن ما ينفعش يكون حد انطوائي 100٪ يعني شخص انطوائي رغم إنه بيحب العزلة، فهو بردو بيحتاج إنه يشوف ناس أحيانًا ويخرج وإلا كده هيكون داخل في طريق تاني اللي هو الرهاب أو القلق الاجتماعي وده ساعتها بيكون مرض محتاج علاج، و المرض ده بيتضمن إن الشخص ده لما يكون في مكان عام وفيه ناس كتير بيبتدي يعرق ويتوتر ويخاف جدًا ويبتدي يحس بدوخة وأعراض تانية كتير.
وبردو مفيش حد ينفع يبقى اجتماعي 100٪ الاجتماعي بردو بيحتاج أحيانًا ينعزل عن الناس ويقعد لوحده ويعمل حاجات لوحده وإلا كده هيكون الشخص ده عايش للناس بس وناسي نفسه وحياته فمهم جدًا نوازن بين الإتنين حتى لو بنميل لحاجة فيهم أكتر وما نروحش لأقصى شيء في أي حاجة.
![]() |
علامات الشخص الانطوائي - ما معنى انطوائي |
طبيعة العمل والهوايات الخاصة بالانطوائي
الشغل اللي بيناسب شخص انطوائي هيكون شغل هادي بيوفر له القدرة على أنه يشتغل لوحده أغلب الوقت لأن زي ما قولنا هو ما بيحبش العمل الجماعي ، هنلاقي أن أغلب الانطوائيين هواياتهم الرسم، الكتابة، القراءة، يسمعوا موسيقي لوحدهم، يتمشوا، وغيرها من الهوايات اللي بيمارسوها بشكل فردي.
لو أنت شخص انطوائي حب نفسك واتقبلها واختار الناس اللي تتفهم طبيعتك واعمل الحاجات اللي تناسبك، اشتغل الشغل اللي يناسبك، ولو خرجت بره طبيعتك، ضروري جدًا ترجعلها في وقت من الأوقات عشان تشحن طاقتك، وما تعملش اللي الناس عايزينه وتسعى لإرضائهم لأنهم مش هيرضوا، اتعامل بالحاجة اللي تريحك أنت طالما مابتأذيش حد.
اقرأ أيضا : أهدافك قد تؤذيك!
في ختام مقالتنا المقدمة من كوكب الإعلام تعرفنا على الشخصية الانطوائية، وذكرنا نبذة عن الانطوائية في الإسلام و طبيعة العمل والهوايات الخاصة بالانطوائي.