![]() |
جزيرة الشخلوبة |
كتبت آية أبو النجا
إزاي تروح إيطاليا من غير ما تسافر؟ جزيرة الشخلوبة "فينيسيا الشرق" على أرض مصرية - جزيرة مهجورة في وسط البحر موجودة في قرية "الشخلوبة" في بحيرة البرلس بمحافظة كفر الشيخ، أتعرف عنها إنها بتتميز بالجمال الساحر تقدر تقول عليها كده إنها "فينيسيا الإيطالية" .. والسؤال هنا بقى إيه هي حكاية الجزيرة المهجورة دي؟ وهيقدم كوكب الإعلام تفاصيل الحكاية بالكامل.
جزيرة الشخلوبة فينيسيا مصر
تعد واحدة من أصغر الجزر وبالرغم من صعوبة الوصول للشخلوبة لكن بيجي للجزيرة سياح من العالم كله ، والمعروف عن الجزيرة إن موجود عليها بيت واحد ويحيطها مساحات خضراء وأشجار كبيرة وطيور موجودة في كل مكان.
والغريب بقى هو وجود البيت المهجور ده على الجزيرة إيه حكايتة وليه موجود كده في وسط البحر؟ الحكاية وما فيها إن قيل عن البيت ده إنه اتبنى زمان أوي على الجزيرة وكان اللي بيحصل فيه إنه عبارة عن حلقه لبيع السمك إللي بيصطادوا الصيادين بعد رجوعهم من رحلات الصيد، ولكن الآن أصبحت الشخلوبة زى ما أنت شايف كده مكان للإسترخاء والنزهة في قلب الطبيعة.
والحياة في قرية الشخلوبة مختلفة تمامًا عن كل القرى المصرية وطبعًا أنت أول ما سمعت كلمة قرية دماغك ترجمت علطول الملامح التقليدية إللي كلنا عارفينها وهي "الأرض والزراعة والري والزرع والبط" بس لا يا عزيزي ده مش موجود هناك اللى موجود "البحر والمياة والسمك والطبيعة الساحرة" والنشاط الرئيسي في الشخلوبة هو صيد السمك والصناعات المرتبطة بالصيد زي صناعه المراكب، وكل الناس هناك معتمدة على الصيد بس.
![]() |
جزيرة الشخلوبة فينيسيا مصر |
![]() |
جزيرة الشخلوبة |
سبب تسمية الشخلوبة بهذا الاسم
والسبب في تسمية القرية والجزيرة بالشخلوبة يرجع إلى سمك "الشخلوب" إللي كان موجود في المنطقة دي بكميات كبيرة جدًا فعشان كده أطلقوا على الجزيرة اسم الشخلوبة، والبعض الآخر أطلق عليها الجوهرة المدفونة.
![]() |
جزيرة الشخلوبة |
بداية شهرة الجزيرة الساحرة
الجزيرة بدأت تشتهر في سنة 2017 لما فازت صورة لـ "بيت صغير محاط بالمياة والأشجار" للمصور عادل بيومي بالمركز الأول على مستوى مصر بمسابقة "ويكي تهوي الأرض" التابعة لموسوعة ويكيبيديا؛ ولكن الجزيرة حققت شهرة وضجة أكبر في سنه 2022 في مشهد بمسلسل أبو العروسه 3 لما كان النجم سيد رجب مع أصحابة على جزيرة يحيطها المياة من كل الجوانب، والمشهد اتعرض من هنا وظهرت علامات التعجب والإستفهام من هنا، وحصل إثارة جدل كبيرة على السوشيال ميديا وبدأ الجميع في التساؤل والإهتمام عن معرفة مكان البيت ده وإيه حكايتة.
![]() |
جزيرة الشخلوبة |
اقرأ أيضا: المدينة الزرقاء شفشاون في المغرب