امتحانات الثانوية العامة 2023 |
كتبت : إيمان توفيق
3 نصائح تساعدك على مذاكرة الأجزاء الصعبة في مناهج الثانوية العامة 2023 - أكيد لو انت دفعة الثانوية العامة 2023 فابتقابل طرق كتيره للمذاكرة، ومحتار تختار منها إيه عشان تذاكر بيها أو بتجرب طرق كتير و فيه حاجات مش بتنفع معاك، فأنا هقولك في المقال ده من موقع كوكب الإعلام على نصائح تساعدك على مذاكرة الأجزاء الصعبة عشان تقدر تلم المنهج قبل الإعلان عن جدول امتحانات الشهادة الثانوية.
3 نصائح تساعدك على مذاكرة مناهج الثانوية العامة
اولا نصحية لطلاب الثانوية العامة 2023 : اعمل خرائط ذهنية
في أجزاء في المناهج هتلاقي فيها عناوين و نقاط كتير، وساعتها هتكون طريقة الخرائط الذهنية فعالة في كتابة العناوين الفرعية، بشكل يساعدك تفتكرها بسهولة كأداة تساعدك إنك تفتكر إيه الكلام اللي كان مكتوب تحت العنوان أو النقاط اللي تبعه، و الخريطة الذهنية ممكن تعملها بسهولة، و هي إنك ترسم مربعات أو دوائر وتلونهم و تطلع منهم خطوط بتوصل لدوائر تانية أو مربعات تانية، و كل عنوان رئيسي يكون تحته عنوان فرعي وكل عنوان فرعي يكون تحته عنوان فرعي تانى وهكذا زي ماهو موضح في الشكل اللي تحت ده.
امتحانات الصف الثالث الثانوي |
ثاني نصيحة لطلاب الثانوية : اشرح لزمايلك
ولأن أحسن طريقة لتثبيت المعلومة هي شرحها، فدي من أفضل الطرق اللي ممكن تساعدك على المذاكرة، إنك تمثل كأنك مدرس و تتخيل إنك بتشرح لطلابك، أو ممكن تشرح فعلاً لزمايلك حاجة مش فاهمينها في المنهج، و تساعدهم يذاكروها إزاي، و بكده هتكون قدمت فايدة لزمايلك وكمان ثبتت المعلومة في دماغك أكتر وهتفتكرها لو جتلك في الامتحان أو اتسألت فيها.
امتحانات الثانوية العامة 2023 |
ثالث نصيحة لطلاب الثانوية العامة 2023 : اعمل قصة
أكيد و أنت بتذاكر هتقابلك جمل صعبة مش عارف تحفظها أو تفهمها، زي جملة في التاريخ بتتكلم مثلاً عن معركة أو معادلة كيمياء مش راضية تثبت في دماغك، ساعتها ممكن تستخدم طريقة القصة، إنك تجيب أقلام أو مساطر أو أي حاجة و تسميها بأسماء الحاجات اللي مش عارف تحفظها زي مثلاً إن القلم الأحمر هيبقى عبارة عن دولة الهند و المسطرة هتكون مساحة الهند و تعمل قصص زي كده و لو معادلة كيمياء فتخلي القلم الأحمر ساعتها حرف ال H مثلاً كرمز الهيدروجين مثلاً و القلم الأسود رمز الأكسجين و القلم الأزرق رمز المياه و رتبهم و اكتب بينهم علامة زائد و يساوي عشان تثبت المعادلة في بالك.
و أهم حاجة إن لون القلم اللي هتسميه باسم عنصر يكون ثابت للعنصر ده بس في كل المعادلات؛ عشان ما تتشتتش و ممكن تستبدل الأقلام بالورق الملون، أو ورق وتلونه أنت زي ماتحب، و فيه ناس بتعمل طريقة تانية وهي إنهم يرسموا شخصيات ويسموها بأسماء القارات أو البلاد أو العناصر الكيميائية و يعملوا منها قصص، المهم إنك تخترع حاجات غير تقليدية و إبداعية؛ عشان تثبت الجمل في بالك، و الطريقة دي أنا شخصياً جربتها و نفعت معايا جداً.
جدول امتحانات الشهادة الثانوية |
موعد امتحانات الترم الثاني 2023
جدول امتحانات الثانوية العامة 2023 : تم الإعلان عن جدول امتحانات الثانوية العامة للترم الثاني، حيث تبدأ الامتحانات في تمام الساعة 9 صباح يوم الإثنين 6/12. وياتي اخر يوم لجدول امتحانات الشهادة الثانوية يوم 13 من شهر 7 الموافق من الخميس.
امتحانات الشهادة الثانوية 2023 |
ضوابط امتحانات الثانوية العامة 2023
- ستكون كل لجنة مكونة من 20 طالب.
- ستكون 85٪ من الأسئلة اختيار من متعدد و 15% أسئلة مقالية.
- يتم عقد الامتحانات بنظام ال open book حيث يتسلم كل طالب كتيب للمفاهيم .
- يتم إعطاء ورقة أسئلة لكل طالب و معها ورقة بابل شيت للإجابة و أيضا يتم اعطائهم ورقة إجابة بيضاء خاصة بإجابة الأسئلة المقالية.
اقرأ أيضا: حفل تكريم أوائل الثانوية العامة بجديدة الهالة
بكده أكون قدمتلك في المقال ده من موقع كوكب الإعلام 3 نصائح تساعدك في مذاكرة الأجزاء الصعبة في مناهج الثانوية العامة وذلك استعدادا امتحانات الشهادة الثانوية 2023، وموعد بداية جدول امتحانات الشهادة الثانوية 2023.
الأسئلة الشائعة
فاضل كام يوم على امتحانات الثانوية العامة 2023
تبقى 53 يومًا فقط على امتحانات الثانوية العامة لعام 2023.
امتحانات الإعدادية الترم الثاني 2023
تبدأ امتحانات الإعدادية 2023، في الفترة من يوم الأحد 7 مايو وحتى الخميس 11 مايو 2023.
جدول امتحانات الشهادة السودانية 2023
وزير التربية والتعليم المكلف في السودان أعلن عن تأجيل امتحانات الشهادة السودانية المقررة في 27 مايو إلى 10 يونيو، بمدة تأجيل تصل إلى أسبوعين.