![]() |
الأخطبوط كائن فضائي |
الأخطبوط من الكائنات اللي بتتصنف كمخلوق فضائي؛ لأنه عنده مميزات، و قدرات خاصة، مش موجودة في غيره من الكائنات التانية وهنعرف في المقال ده اللي بيقدمه موقع كوكب الإعلام إيه هي قدراته اللي بتخليه يتصنف ككائن فضائي.
![]() |
أخطبوط المحيط الهادي العملاق |
الأخطبوط سيد التخفي :
الأخطبوط بيقدر يغير لونه، و يغير شكله كمان، فبيقلد أي شكل يقف عليه، و ده بيخلي من الصعب جداً اكتشافه، فممكن يخلي نفسه شبه الشعاب المرجانية بالظبط وسبب قدرته العالية على التخفي دي، إن جسمه عليه حاجة زي بالونات مائية صغيرة كل مجموعة منها جواها صبغة بلون معين في العادة بتكون لون الصبغات دي أحمر و أسود و أصفر و حوالين البالونات دي عضلات بتتحكم في حجم أكياس الصبغة، فيقدر الأخطبوط يكبر حجمها أو يصغرها حسب اللون اللي عايزه يظهره.
![]() |
الأخطبوط سيد التخفي |
دم الأخطبوط لونه أزرق :
دم الأخطبوط فيه مركب اسمه الهيموسيانين، اللي بيحتوي على النحاس بنسبة كبيرة وده اللي بيدي لدمه اللون الأزرق المختلف عن بقية الكائنات الحية، اللي دمها بيتكون من الهيموجلوبين اللي بيحتوي على الحديد فبيديله اللون الأحمر.
![]() |
دم الأحطبوط لونه أزرق |
بيشم بذراعه :
الـ 8 أذرع اللي عند الأخطبوط مش موجودين عشان يستخدمهم في الحركة بس، لا هم بالنسباله سبب أساسي في حياته؛ لأن كل ذراع فيه 300 ماصة، و الماصة دي هي الأشكال البيضاء المدروة اللي بنشوفها في الأذرع بتاعته، و كل ماصة منهم فيها أكتر من 10000 مستقبل حسي، بيخليه يحس بريحة أي حاجة بيحط ذراعه عليها ومش بس بيشم بيها هو كمان بيقدر يتذوق بيها أي حاجة.
![]() |
الأخطبوط بيشم بذراعه |
بيفكر بذراعه :
الأخطبوط مش بس بيشم وبيتذوق بالأذرع هو كمان بيفكر بيها، و عشان كده بنقول إن الأذرع دي هي كل حياته الأذرع بتاعة الأخطبوط فيها خلايا عصبية عددها نص مليار خلية، و الخلايا دي معظمها موجود في الأذرع مش في الدماغ فهو مش لازم عشان يعمل حاجة إن دماغه تبعتله في الأول إشارة عشان يعملها لا هو يقدر يعمل كده بالأذرع من غير إشارة و كل ذراع كمان بيقدر يفكر بشكل منفصل ويعمل حاجة مختلفة عن بقية الأذرع يعني يعتبر إن عنده 8 أدمغة مش واحدة بس.
أذكى حيوان :
بناء على الكلام اللي قولناه عن دماغ الأخطبوط، فده بيدل إنه أذكى اللافقاريات لأنه ذاكرته قوية جداً، و سلوكه المعرفي كمان قوي جداً ، واللي بيثبت كده إن في أواخر الخمسينيات، في مجموعة من علماء الأحياء في جامعة أوكسفورد كانوا بيحاولوا يعرفوا هل الأخطبوط بالذكاء اللي عنده ده كله هيقدر يميز بين الأشكال الهندسية ولا لا، فجابوا قدامه مجموعة أشكال هندسية وبدأ الأخطبوط يحس بالفضول ناحية الأشكال دي وبدأ يمسكها ويلعب بيها.
![]() |
الأخطبوط أذكى حيوان |
![]() |
الاخطبوط و ثمرة جوز الهند |
اقرأ أيضا: كواكب تمطر زجاج و ماس