![]() |
حيوانات عمياء |
حيوانات عمياء - من الصعب إننا نتخيل إن فيه كائن حي بيعرف يعيش من غير عيون بس سبحان الله بيمنع حاجة لكن بيخلق قدامها حاجة بديلة والنهاردة في المقال ده من كوكب الإعلام هنتعرف على كائنات حية عمياء و هنتعرف كمان إزاي بتمارس حياتها و هي من غير عيون.
سمندل الكهف الأوروبي من الحيوانات العمياء
كائن جسمه ناعم زي الثعبان لكنه مش شبهه خالص في أي حاجة، تم اكتشافه في الكهوف في البحر الأدرياتيكي في أوروبا، وهو كائن مالوش عيون بس بدل ده ربنا رزقه بحواس شم و تذوق قوية جداً جداً لدرجة إنه بيسمع أقل الذبذبات اللي بتخرج من الفرائس وبيقدر يتحرك بأمان لأنه بيعرف يتحسس طريقه وممكن يعيش لمدة ١٠٠ سنة.
![]() |
سمندل الكهف الأوروبي من الحيوانات العمياء |
![]() |
حيوانات عمياء |
عنكبوت سينوبودا سكوريون
حجمه بيوصل لـ 12 مم فقط وهو أول عنكبوت صياد معندوش عيون تم اكتشافه وموجود في كهوف مدينة لاوس اللي موجودة في شبه جزيرة الهند الصينية و بيستخدم العنكبوت الشعيرات الموجودة على رجله عشان يحس بالاهتزازات ويشم الروائح، والشعيرات دي بتساعده على اصطياد الفرائس والتحرك في الظلام بكل سهولة.
![]() |
عنكبوت سينوبودا سكوريون - حيوانات عمياء |
سرطان البحر الأعمى
موجود في بحر الفلبين على عمق ٣٠٠ متر، و عنده كماشات تخلي فرصة نجاة أي فريسة تقع تحت إيده مستحيلة، والكماشات دي عبارة عن واحدة طويلة ممكن توصل إنها تكون بطول جسمه شبه منشارين ليهم أسنان حادة جدا وبيفتحوا بزاوية ٩٠ درجة و الكماشة الثانية قصيرة و ليها أسنان حادة جداً بردو.
![]() |
سرطان البحر الأعمى - حيوانات عمياء |
سمكة الكهف من الحيوانات العمياء
سمكة موجودة في شلالات كهوف تايلاند بتعوم في كل الاتجاهات، في العمق، على السطح، مع التيار، عكس التيار، كل حاجة عندها بتنفع وبرغم إنها مش بتشوف إلا إنها جريئة جداً في حركتها وبتتسلق على الجدران اللي بتنزل عليها الشلالات وبتتنقل من صخرة للثانية بكل سهولة وده بسبب بناء جسمها القوي اللي مش بيشبه غيرها من السمك.
![]() |
سمكة الكهف من الحيوانات العمياء |
وبكده يكون انتهى المقال حيث تعرفنا علي حيوانات عمياء, استنونا في معلومات أكثر.
اقرأ أيضا: حيوانات تقتل نفسها