![]() |
حيوانات تقتل نفسها |
حيوانات تقتل نفسها - رغم إن معروف عن الحيوانات إنها بتدافع عن نفسها بكل الطرق الممكنة بس من غرائب المخلوقات إن في حيوانات كل همها تدافع عن غيرها و بتكون النتيجة إن الحيوانات دي بتتسبب في قتل نفسها ، من الحيوانات دي. في هذا المقال المقدم من كوكب الإعلام سنتعرف علي أهم الحيوانات والحشرات التي تقتل نفسها.
النمل المتفجر
النوع ده من الحيوانات اللي بتقتل نفسها بيعيش في جزيرة بورنيو في جنوب شرق آسيا، و رغم إنه معندوش أي وسيلة دفاعية واضحة، إلا إنه أول ما يحس إن فيه حيوان مفترس بيقرب منه، بيتحول لقنبلة متفجرة، النمل ده مابيهتمش بالتكاثر ولا بأي حاجة غير الدفاع عن المستعمرة، و جسمه فيه غدد متصلة بأكياس ضخمة فيها مادة سامة ، و لما تحس بالتهديد من الأعداء بترفع الجزء الخلفي من جسمها كنوع من أنواع التحذير، و لو العدو ما بعدش، بيتجمع النمل ده حول العدو يثبته عن طريق إنه بيعض العدو في رجله، وبعد كده بيتقلب النمل على ظهره ويضغط على عضلاته جامد لحد ما تنفجر الأكياس السامة في وجه العدو و يموت و بيموت النمل بردو .
![]() |
النمل المتفجر |
نحل العسل
أغلبنا عارف إن نحل العسل لما بيلدغ بيموت بعدها بس إزاي ده بيحصل ..
النحل أهم حاجة عنده إنه يدافع عن الخلية ضد أي عدو محتمل و بمجرد مايقرب العدو من الخلية فالنحلة بتلدغه بإبرتها وبعد ما تلدغه وتحاول تطير، الإبره دي بتخرج من جسمها بأجزاء من جهازها العصبي المرتبط باللدغ و أجزاء من الجهاز الهضمي والعضلات، وبيكون مع الإبرة كيس من السم بيطلق السم في مكان اللدغة و بتموت النحلة بعد اللدغة بدقائق .
![]() |
حيوانات تقتل نفسها نحل العسل |
![]() |
حيوانات تقتل نفسها نحل العسل |
العنكبوت الاجتماعي الافريقي
وده بردو من الحيوانات اللي بتقتل نفسها، معظم العناكب بتحب العزلة ومش بتتجمع مع بعضها إلا في موسم التزاوج لكن العنكبوت الاجتماعي الإفريقي مختلف؛ لأن النوع ده بيحب يعيش في مجموعات، و بيشارك بعضه في كل حاجة، لدرجة إن أنثى العنكبوت اللي معندهاش صغار بتراعي صغار غيرها،
والرعاية دي بتوصل لدرجة إن أنثى العنكبوت ممكن تخلي الصغار يأكلوها؛ لأن بمجرد ما البيض بيفقس بتفرز الأنثى سائل للصغار والسائل ده بيستهلك من جسمها لدرجة كبيرة وبعد فترة مابتكونش قادرة إنها تنتج أكتر من كده ولكن الصغار بيكونوا لسه عايزين يأكلوا وساعتها الأنثى بتسيب نفسها ليهم عشان يأكلوها.
![]() |
العنكبوت الاجتماعي الافريقي |
أنثى الأخطبوط
الأخطبوط حيوان ذكي بيقدر يعمل تمويه ويغير لونه و شكله ومع ذلك رغم ذكاؤه فهو بردو من الحيوانات اللي بتقتل نفسها، و باستثناء أخطبوط المحيط الهادي العملاق اللي بيعيش أربع سنين، فبقيت أنواع الأخطبوط بتعيش سنتين بس وأثناء السنتين دول بيحصل التكاثر مرة واحدة فقط، و بعد عملية التزاوج، أنثى الأخطبوط بتموت الذكر عن طريق إنها بتخنقه بالأذرع بتاعتها وبعدين تأكله وبعد فترة بعد ما الأنثى تضع البيض مش بيكون ليها أي شغلانة غيره ، لدرجة إنها مش بتأكل ولا بتعمل أي حاجة حتى لو الأكل جالها لحد عندها وبتفضل كده لحد ما البيض يفقس وتتطمن على الصغار وبعد كده تموت.
و الباحثون اكتشفوا إن السلوك ده سلوك مقصود منها لأنهم اكتشفوا إنها أحيانًا بعد ما البيض بيفقس لو ما ماتتش من قلة الأكل فبتروح تخبط نفسها في الصخور لحد ما تموت، و اعتقد العلماء إن السر وراء السلوك ده هو غدة موجودة بين عيونها و الغدة دي هي المسؤولة عن مشاعر الأمومة وإن الغدة دي هي اللي بتعطل عمل الغدد الهضمية و اللعابية وده اللي مش بتخليها تأكل أثناء رعاية البيض وده لأنهم لما شالوا الغدة دي اكتشفوا إن الأنثى بعد ما تضع البيض بتسيبه وبتكمل حياتها عادي .
![]() |
حيوانات تقتل نفسها أنثى الأخطبوط |
![]() |
حيوانات تقتل نفسها أنثى الأخطبوط |