كتبت شهيرة السيد
كلنا عارفين إن ساعي البريد بيكون معاه شنطة فيها جوابات ورسايل، لكن عمرنا ما سمعنا عن ساعي بريد بيشيل شنطة فيها طفل.
ده موضوع كان بـيحصل في الولايات المتحدة الأمريكية سنة 1913 ، كانوا بـ يرسلوا الأطفال لأهاليهم من خلال ساعى البريد، وأول طفل أُرسل لجده وجدته كان سنة 1913 في 'ولاية أوهايو ohio الأمريكية'.
" قال يعني عشان تكلفة البريد قليلة عن تكلفة تذكرة القطار."
والموضوع بقي يتكرر بشكل كبير، أي أب و أم عاوزين يبعثوا أولادهم لزيارة أقاربهم البعيدة يرسلوهم عن طريق البريد، لاء وكمان في مرة من المرات صوروا ساعي البريد بالطفل وهو في الشنطة توثيقًا للحظة.
والمضحك في الموضوع انهم كانوا بيطبعوا طوابع البريد علي ملابس الأطفال دي ، لحد ما جه الوقت اللي أصدرت فيه الحكومة قرار بإلغاء إرسال الأطفال بـ هذه الطريقة، بسبب الحوادث اللي كانت بتحصل.