كتبت شهيرة السيد
طبعا كلنا إستعدينا لإستقبال شهر رمضان من زينة و ياميش و فوانيس و حالو يا حالو رمضان جانا ، و طبعا رمضان في مصر حاجة تانيه و السر في التفاصيل.
كلنا بنستني صلاة التراويح في المساجد و صلاة الفجر و قراءة القرآن و الأذكار و الصدقات ، دي كلها عادات جميلة بنعملها في رمضان و نتمني إنها تدوم طول السنة ، بس خليني أقولك شوية عادات غلط بنعملها وقت الفطار.
🔻 أول حاجة العصائر
العصير الصناعي بيبقي موجود فيه كمية سكر وسعرات حرارية بتحفز جسمك انه يخرن كمية السكر علي شكل دهون ، فـ الأفضل أننا نشرب عصير طبيعي.
🔻 الحاجة التانية وهي تنوع الأكلات في الفطار
عزومات بقي و أصناف و أشكال من إللي قلبك يحبها و أنت يا حول الله مش بتبقي عارف تاكل إيه و لا إيه ؟ ، فـ الحل إننا نحاول نقلل أصناف الأكلات و نهتم بالأصناف إللي بنحتاجها و نراعي نسبة البروتين و الكربوهيدرات إللي بيحتاجها الجسم.
🔻 تالت حاجة وهي إننا بناكل كمية كبيره آوي من الأكل بعد الأذان علطول
و بنستني أذان المغرب بفارغ الصبر علشان نعوض صيام طول اليوم ، ده حتي مش بنعطي فرصه لمعدتنا تبعت إشارة للمخ إننا خلاص شبعنا ونبطل أكل ، فـ المفروض إللي نعمله أن أنا و أنت وكلنا نفطر علي تمر الاول و نصلي المغرب و بعدين نبدأ ناكل.
حلو جدا
ردحذف