 |
| 6 أغرب الصور ليس لها تفسير |
كتبت : إيمان توفيق
6 أغرب الصور ليس لها تفسير - الانترنت مليان صور وفيديوهات غريبة، لكن فيه صور مريبة تم التقاطها وظهر فيها حاجات مالهاش تفسير وهيوضح كوكب الإعلام إيه قصة الصور دي.
وحش جزيرة هوك
سنة 1964 طلع المصور الفرنسي روبرت سيريك في رحلة مع أسرته في جزيرة هوك الاسترالية، و أثناء وجودهم في بحيرة الجزيرة، شاف سيريك كائن غريب تحتهم في المياه كان بيسبح بهدوء وكان ضخم للغاية طول ضله من تحت المياه كان 25 متر و قال سيريك إنه أول ما حاول يصور الكائن ده فتح بؤه، وبعدين راح بعيد عنهم ومحدش شافه تاني ومحدش عرف إيه الكائن ده.
 |
| وحش جزيرة هوك - أغرب الصور ليس لها تفسير |
شبح فريدي جاكسون :
سنة 1919 اتصورت صورة لكتيبة فيكتور جودرت بعد الحرب العالمية الأولى، وبعد ما الصورة اتحمضت ظهر فيها وش غريب وراء واحد من الظباط ولما اتسأل أعضاء الكتيبة قالوا إن دي صورة زميلهم فريدي جاكسون الميكانيكي اللي اتوفى من كام يوم واللي كانت جنازته في نفس اليوم قبل مايتصوروا الصورة.
 |
| شبح فريدي جاكسون - أغرب الصور ليس لها تفسير |
الحصان الأسود من الصور الغامضة :
سنة 1960 التقطت ناسا أغرب الصور ليس لها تفسير لجسم أسود غريب في مدار الأرض، وفي الوقت ده مكانش فيه أي أقمار صناعية تم اطلاقها من الأرض وكمان الجسم ده كان باين عليه إنه مش من صنع البشر وبعدها بمدة مش كبيرة اختفي الجسم، ومن وقتها كذا حد بلغ إنه شاف أجسام شبهه بتظهر وتختفي على طول.
 |
| الحصان الأسود من الصور الغامضة - أغرب الصور ليس لها تفسير |
 |
| أغرب الصور ليس لها تفسير |
 |
| الحصان الأسود |
قضية موت إليسا لام:
في عام 2013 عثر علي فتاة تدعي إليسا لام متوفاة في أحد خزانات الماء الموجودة على السطح الخاص بفندق، ووفاتها اتصنفت إنها حادثة، و تقرير المشرحة قال إنها مكانتش تحت تأثير أي مخدر أو كحول، لكن كاميرا أسانسير الفندق أظهرت إليسا قبل الوفاة بدقائق وهي داخلة الأسانسير وأول مادخلته بدأت تعمل حاجات غريبة زي إنها ضغطت على زراير الأسانسير كلها مع بعض و فضلت تلف و وقفت في جمب الأسانسير كأنها خايفة من حد، وفضلت تتحرك بالطريقة دي لحد ما طلعت على السطح و غرقت في الخزان.
 |
| قضية موت إليسا لام - أغرب الصور ليس لها تفسير |
شبح أم ميبل تشينيري من أغرب الصور ليس لها تفسير
في مارس 1959 قضت ميبل يوم في المقابر بتزور قبر أمها وكانت معاها الكاميرا عشان تصور منطقة المقابر و بعد ما خرجت، صورت صورة لجوزها وهو في المقعد الأمامي من العربية بتاعته لكن بعد ما حمضت الصورة شافت حاجة غريبة! ؛ شافت في الصورة حد قاعد في المقعد الخلفي وراء زوجها مع أن مكانش حد قاعد وراه وهي بتصوره، و الأغرب أن الحد ده كان صورة طبق الأصل من أمها اللي كانت لسه بتزور قبرها قبل التقاط الصورة.
 |
| شبح أم ميبل تشينيري من الصور الغامضة |
رائد فضاء سولوي:
سنة 1964 في حقل من حقول سولوي كان جيم تيمبلتون يصور ابنته ولما جه يحمض الصورة شاف في الصورة حاجة غريبة! ؛ شاف وراء ابنته في الصورة رائد فضاء طاير في الهواء، رغم إنه لما كان بيصورها مكانش فيه أي حد غيرهم في المكان وشركة كوداك حللت الصورة و اتأكدت إن الصورة مش ملعوب فيها ولا متعدل عليها بأي شكل.
 |
| رائد فضاء سولوي |
اقرأ أيضا: أغرب وأخطر الأماكن الخارقة للطبيعة حول العالم
