اللانشون لحم فئران!
كتبت آيه أبو النجا
"بطّل أكل لانشون إنت شوية وهيطلع فار من معدتك " هذة الجملة برعاية الغير محبين للانشون، هل فعلًا زي ما بيتقال إن اللانشون بيتعمل من لحم الفئران؟ ولية الفكرة دي موجودة عند أغلب الناس واشمعنا الفئران تحديدًا ليه مش لحم القطط أو الكلاب، وهنا بقى السؤال اللي بيطرح نفسه أعزائي القراء، وعشان كده هيجاوب كوكب الإعلام على السؤال اللي قلق الجميع المحبين قبل الغير محبين.
إشاعة اللانشون لحم فئران
بداية الحكاية كانت من حوالى 5 سنين في برنامج "صبايا الخير" اللي بتقدمة الإعلامية "ريهام سعيد" لما قامت بعمل تقرير عن مصنع مخزن لحم فاسد عشان يتعمل منه كفتة وسجق، وخلال ما هي بتعمل التقرير شافت فئران بتاكل من اللحوم اللي هتتفرم، وفي وقت عرض التقرير على الهواء ريهام سعيد قالت إن الفئران منتشرة في تلاجة اللحوم ولو اتجمدت هتتفرم مع اللحمه اللي بناكلها، ومن كتر الفئران تخليك تقول إن دي تلاجة فئران ودخل عليها بواقي لحمة.
ومن وقت عرض التقرير والناس سابت الكارثة الكبيرة وهي إن اللحمه اللي موجوده في المصنع فاسدة ومسكوا في إنه مفروم من لحوم الفئران ؛ والسؤال هنا هل لو اللانشون مش بيتعمل من لحم الفئران فهو كده يبقى بيتعمل من لحوم فاسده؟
والإجابة: لا، بس أغلب المصانع اللي مش معروفة ومعندهاش ضمير بتعمله من اللحوم الفاسدة وبتضيف عليه مجموعة من التوابل اللي بتخليك عمرك ما تقدر تعرف من الطعم إذا كان ده منتج معمول باللحوم الفاسدة أم لا.
![]() |
إشاعة اللانشون لحم فئران. |
صنع من لحم بقري وفراخ
بيتم صناعه اللانشون من لحوم الأبقار أو الفراخ المفرومة وبعد ما بتحصل عملية الفرم للحوم بيتم إضافة التوابل وبيحصل مرحلة عمليه فرم اللحوم مع التوابل، وبعد كده بتروح لمرحلة التسوية عشان يتم قتل أي مكروب موجود في اللحوم وبكده ميكونش في أي ضرر منه.
وبالرغم من كده برضوا مش هتعرف إجابه سؤال إن اللانشون موجود على فئران مفرومة أم لا، وده بسبب التوابل اللي بيتم وضعها على اللحمة ولازم عشان نعرف هل دا فأر ولا دي بقرة عادي نمسك بقى كل شريحة لانشون ونشوفها تحت الميكروسكوب ونتأكد من مصدر اللحمة اللي مصنوع بيها، وإنت طبعًا مش هتقعد تشوف كل شريحة هتاكلها فيها فأر ولا لا، فالأضمن إنك متجبوش من مصانع أو شركات مجهولة وإنك تجيبه من الشركات الكبيرة المعروفة، والأضمن أكتر إنك متجبش لانشون خالص، ما تاكل جبنة.
اقرأ أيضا: كيلو اللحمة بالتقسيط.. القبض على صاحب مقطع الفيديو المثير للجدل
الأسئلة:
من ماذا تتم صناعة اللانشون؟
يتم صناعة اللانشون من لحوم الأبقار أو الفراخ.
ماهو أفضل أنواع اللانشون؟
أفضل الأنواع هما "لانشون شركة بداية، ومصنع فوردينا، ومجموعة الحسن والحسين، وشركة دايم".