![]() |
لماذا نعطس و ما سبب عدم مجئ العطسة رغم شعورنا بها |
سبب عدم مجئ العطسة رغم شعورنا بها
كتبت : إيمان توفيق
هنعرف في ذلك المقال المقدم من كوكب الإعلام ليه بنعطس وليه ساعات العطسة مش بتيجي رغم إننا بنكون حسينا بيها وهنعرف كمان هل القلب بيقف أثناء العطسة ولا لا، مبدئياً كده العطس بيحصل نتيجة لوجود حاجة سببت تهيج في البطانة الداخلية للأنف ممكن تكون غبار، توابل، عطور، دخان، فلفل أسود، أو أي حاجة سببت حساسية للأنف وساعتها بيحاول الجسم إنه يلجأ لحيلة دفاعية عشان يتخلص من الأجسام الغريبة اللي الشعيرات في بطانة الأنف مقدرتش تصطادها والحيلة دي بتكون العطس ، طب ليه ساعات بنحس إننا عايزين نعطس بس العطسة بتروح.
العطسة بتروح لأن أثناء ما الجسم بيستعد للعطس و بنأخد الشهيق أو النفس القوي اللي قبل العطسة، الأجسام الغريبة اللي في بطانة الأنف و اللي هي أصلا سبب العطسه بتكون اتحركت من مكانها وبيختفي التهيج اللي كانت مسبباه ، فالجسم بيلاقي إنه مفيش داعي إنه يكمل العطسة فبتروح والموضوع ده مفيش منه أي ضرر إلا لو كان حد بيحاول يعطس لمدة شهر مثلاً و مقدرش، فساعتها من المفترض إنه يروح لطبيب مختص عشان يشخص حالته ويكتبله العلاج المناسب لو فيه مشكلة.
أثناء العطسة الواحدة بيخرج من الجسم حوالي 100 ألف نوع من الجراثيم والعطسة بتكون بسرعة 100 ميل في الساعة و لما نحس إننا عايزين نعطس بس نكتم العطسه بنلاقي الناس تقولنا ماتكتمهاش بس مابنكونش عارفين السبب فأنا هقولك إيه هي أضرار كتم العطس، الحقيقة إن الموضوع خطير جداً لأن لما بتكتم العطسه ، فالهواء المضغوط اللي كتمته بيندفع بشدة تجاه أنبوب اسمه استاكيوس وهو " القناة السمعية" وده ممكن يؤدي إلى تمزق طبلة الأذن، فقدان السمع، أو الإصابة بالدوار فماتكتمش العطسه بعد كده.
![]() |
الآف الجراثيم تخرج في العطسة الواحدة |
كيف تحدث العطسة :
لما جسم غريب بيدخل جوه بطانة الأنف وماتقدرش الشعيرات الموجودة فيها تصطاده ساعتها بتبعت الأنف إشارة للمخ بدخول جسم غريب هجم عليها وقدر يعدي خطوط الدفاع و إن الجسم ده ممكن يكون بيحمل عدوى أو فيروس أو أي مرض فبيبدأ المخ يبعت إشارات لكل الأجزاء المهمة في الجسم عشان تستعد لعملية العطس فبتنغلق منطقة الفم والحلق والعيون بإحكام ويتحرك اللسان لسقف الحلق وتتقلص عضلات الصدر بقوة شديدة وتستريح عضلات الحنجرة وتخرج كمية هواء بسرعة من الأنف والفم وبتطرد مع كمية الهواء دي الأجسام الغريبة اللي دخلت الجسم
و عشان كده ممكن تفضل العطسة تتكرر لحد ماتتخلص نهائياً من الأجسام الغريبة وده سبب إن العطس بيزيد في أوقات الإصابة بالبرد والإنفلونزا وعلى عكس الاعتقاد الشائع اللي بيقول إن القلب بيقف أثناء العطسه، فالحقيقة لا القلب مش بيقف بس بيتغير إيقاع النبض بتاعه نتيجة لانقباض عضلات الصدر.
اقرأ أيضا: سلم نفسك المكان كله متراقب