![]() |
أكثر البلاد أماناً في العالم |
كتبت: إيمان توفيق
الأمان من أكتر الحاجات اللي مهتمين ندور عليها، وأكيد لو حبيت تزور بلد تانية هتتوجه للبلاد اللي فيها أمان أكتر من غيرها عشان تضمن لنفسك رحلة سعيدة وترجع بلدك بذكريات جميلة، والبلاد اللي هنتكلم عنها دلوقتي في المقال ده المقدم من كوكب الإعلام هي أكثر البلاد أماناً على وجه الأرض.
والأمان فيها مش بس أمان من ناحية جرائم القتل والسرقة، لأ كمان أمن المعلومات والبيانات الشخصية موجود ؛ يعني لو فاتح نت هناك هيكون من النادر جداً إن يحصل اختراق لبياناتك دي بالإضافة كمان إن مش هيتم اختراق خصوصيتك أو انتهاك حريتك ولا هتحس بالعنصرية ، يلا بينا نشوف إيه البلاد دي.
"طوكيو" .. من البلاد الأكثر أماناً في العالم
"طوكيو" .. أول بلد من البلاد الأكثر أماناً في العالم :
بالرغم من انتشار فكرة إن خطر وجود الجرائم بيزيد كل ما عدد سكان البلد يزيد، إلا إن طوكيو لا ينطبق عليها ده إطلاقاً؛ لأن مش شرط أبداً إن كل مايزيد عدد سكان المدينة يزيد الخطر اللي فيها؛ لأن مدى الأمان والخطورة بتعتمد على اللوائح والقوانين اللي بتحطها البلاد دي ومدى التزام سكان البلد بيها و طوكيو أكبر مثال على كده لأن عدد سكانها أكثر من 13 مليون نسمة.
وبالرغم من كده فهي اتصنفت عام 2019 كواحدة من أكتر المدن أماناً في العالم والأمان فيها بيوصل لحد الأمان الرقمي وحماية البيانات الرقمية ضد الاختراق والسرقة ، فاختراق البيانات هناك نادر جداً في الحدوث، ونسبة الأمان الكبيرة دي بترجع لأن معظم سكان المدينة من الطبقة المتوسطة العليا، فبالتالي جرائم السرقة اللي بتتم بهدف الحصول على المال نادرة جداً، بالإضافة إلى إن البنية التحتية لطوكيو قوية جداً وفيها كل الاحتياطات الشديدة لمواجهة الزلازل والخسائر اللي ممكن تحصل، ده غير إن المدينة بتتميز بمشاهد ليلية مشهورة ذات إضاءة عالية جداً تسمح للسياح إنهم يتجولوا في المدينة وهم حاسين إنهم أثناء النهار مش الليل.
جزيرة سنغافورة في جنوب ماليزيا ثاني بلد من البلاد الأكثر أماناً:
بتتفوق على البلاد التانية إن فيها أدنى مستوى من جرائم العنف والسرقة ومستوى تدخل الشرطة لفض الاشتباكات هو الأقل على مستوى العالم وده بيخليها وجهة سياحية ليك لو حبيت تزور بلد جديد، و أصدرت سنغافورة بيان في عام 2017 بتوضح فيه إن قائمة "خالية تماماً من الجرائم" الخاصة بها استمرت لمدة 135 يوم متصل، و ده يعني إنها فضلت أكتر من 4 شهور من غير ما تحصل فيها جريمة واحدة، وقدرت تعمل ده بسبب القوانين الصارمة اللي وضعتها بالإضافة لإن موجود فيها أكتر من 100000 كاميرا مراقبة متمركزين حول المدينة في كل زاوية، والأمان انتشر بين السكان لدرجة أنهم بيسيبوا المحلات مفتوحة من غير أبواب ولا شبابيك من غير ما يخافوا إنها تتسرق.
![]() |
جزيرة سنغافورة في جنوب ماليزيا |
منطقة شلالات نياجرا في مقاطعة اونتاريو الكندية ثالث بلد أكثر أماناً :
تعتبر من أكثر الأماكن أماناً في العالم، السكان المحليين ودودين جداً في تعاملهم مع الزوار و بيتميزوا بكرم الضيافة وحسن المعاملة ومعدلات الجريمة هناك منعدمة، الحاجة الوحيدة اللي المفروض يأخدوا بالهم منها بس هي أثناء التصوير جمب الشلالات عشان ماتنزلقش أقدامهم في تيارات الشلال.
![]() |
منطقة شلالات نياجرا في مقاطعة اونتاريو الكندية |
امستردام رابع بلد من أكثر البلاد أماناً في العالم :
بتغطيها قنوات مائية يرجع تاريخ حفرها للقرن الـ 17 وبتحتوي على العديد من المشاهد الطبيعية الخلابة، وده اللي بيخليها واحدة من أفضل الوجهات السياحية في أوروبا من حيث الأمان؛ لأنها اتصنفت كواحدة من أكثر المدن أمانًا بسبب إن ليها بنية تحتية قوية، لدرجة إن أطلق عليها أفضل بنية تحتية في العالم، بتمتلك شبكة طرق عالية الجودة، فبتقل نسبة الحوادث اللي بتحصل بين السيارات في شوارعها.
![]() |
امستردام من أكثر البلاد أماناً في العالم |
و المباني كمان بتتميز بالنظافة و الثبات وغيرها من العوامل، ده غير إن الهواء في المدينة نقي جداً، فهي من أكثر المدن اللي نسبة التلوث فيها قليلة وده بيرجع لأن سكانها بيعتمدوا على الدراجات كوسيلة مواصلات أساسية وكل واحد بيمتلك دراجة و بيقل استخدام السيارات ووسائل المواصلات الثانية فبيقل التلوث.
وبكده نكون اتعرفنا علي أكثر البلاد الآمنة في العالم واللي أكيد لما تحب تزور بلد جديدة هتكون البلاد دي في تفكيرك.
اقرأ أيضا: أغرب وأخطر الأماكن الخارقة للطبيعة حول العالم