برنامج الدوم الموسم الثاني |
كتبت آية أبو النجا
برنامج الدوم بوابة النجوم الموسم الثاني - البداية كانت في سنة 2021 م لما الشركة المتحدة للخدمات الإعلامية قامت بتنفيذ فكرة " الدوم بوابه النجوم " أكبر برنامج لاكتشاف المواهب من كل محافظات مصر في مجال " التمثيل ، التقديم التليفزيوني ، الغناء". في هذا المقال المقدم من كوكب الإعلام سنتعرف علي تفاصيل برنامج الدوم للموسم الثاني.
ولو رجعنا فلاش باك للموسم الأول من برنامج الدوم هنلاقي إنه قدر إن يشوفه ملايين من الناس، وحقق نجاح كبير جدًا ، والدوم كان بمثابة فرصة ذهبية خرجت كتير من المواهب والمُبدعين من كل محافظات مصر ، وقدم في الموسم الأول من الدوم أكتر من 20 ألف شاب وكانت المنافسة مابينهم صعبة جدًا والفائزين كانوا يستحقوا لقب الفوز.
الدوم بوابة النجوم |
الدوم بوابة النجوم
نجاح الدوم في أول موسم كان سبب في إنه يفتح باب الشهرة للفائزين وطلع اسم على مسمى وهو فعلًا بوابة للنجوم ، وده لإن الشركة المتحدة قامت بمساعدة الفائزين إنهم يأخذوا أول خطوة في طريق النجومية زي: "سعد سمير" من محافظة المنوفية اللي شارك ضمن فريق عمل مسلسل بيننا ميعاد ، ماريا أسامة من محافظة الاسكندرية اللي شاركت في مسلسل إيجار قديم ، أسامة عطية من العريش اللي شارك النجمة العالميه أندروماخي أغنية ما تبكيش، "أسماء الجمل" من محافظة الدقهلية اللي شاركت بالغناء مع الفنان محمود العسيلي في أغنية "طمنوني"، "يارا مجدي" من محافظة الشرقية اللي بقت مذيعة أخبار في قناة Extra News.
وفي 2023 م وتم الإعلان عن برنامج الدوم الموسم الثاني عشان يكون بوابة للنجوم ويكتشف مئات وآلاف المُبدعين من كل مكان في مصر، وتم زيادة مجالات المسابقات في الموسم التاني بمجال "العزف الموسيقي والفن التشكيلي".
محطات وقوف الدوم في الموسم الثاني
الدوم بوابة النجوم الموسم الثاني عشان يبقى قريب من كل مواهب مصر وقف في 6 محافظات :
- المحطة الأولي: الموسم التاني بدأ في مدن القناة وفي "محافظه بورسعيد" تم استقبال المتسابقين من "السويس ،الإسماعيلية ، دمياط ، شمال وجنوب سيناء.
- المحطة التانية: كانت في "محافظة الدقهلية" وتم استقبال المتسابقين من "الغربية ،الشرقية، المنوفية ، كفر الشيخ.
- المحطة التالتة: كانت في "الصعيد" ، وتم استقبال المتسابقين من " أسيوط، المنيا ، سوهاج ، الوادي الجديد".
- المحطة الرابعة: كانت في "الأقصر" وتم استقبال المتسابقين من "قنا ، أسوان، حلايب وشلاتين".
- المحطة الخامسة: كانت في محافظة إسكندرية وتم استقبال المتسابقين من "مطروح ، البحيرة".
- المحطة السادسة: ودي آخر محطة في الدوم وكانت في "القاهرة "، وتم استقبال المتسابقين من "القليوبية ، الجيزة ، الفيوم ".
مراحل الدوم بوابة النجوم
في المرحلة الأولى من الدوم قدم أكتر من 25 ألف متسابق في "التقديم التليفزيوني، التمثيل، الغناء"، وهيتم اختيار منهم 95 موهبة ليتم وصولهم للمرحلة التانية من الدوم.
والمرحلة التانية من الدوم تعتبر هي بداية الدوم وهتكون يوم 2 و 3 فبراير واللي هتكون الدخول في الدوم الرئيسي وهيقوم بإنضمام لجنة من أهم النجوم في كل مسابقة وده علشان يقف قدامهم 80 متسابق في اختبار الدقيقة الواحدة ، واللجنة هتقوم باختيار أحسن 28 متسابق ، ودول هما اللي هيكملوا في الدوم لمده 5 أسابيع وهيتم بدايتهم من 10 فبراير لـ 16 مارس.
المرحلة التالتة من الدوم ودي بقي النهاية والحلقة الأخيرة وهتكون يوم 17 مارس، واللي هيحصل فيها إن هيتم معرفة مين هو نجم الدوم لعام 2023 في المجالات الخامسة.
اقرأ أيضا : النجم العالمي فاندام يحذف جميع صور رامز موفي ستار
لجنة تحكيم الدوم الموسم الثاني
وجود لجنة لاختبار المتسابقين في المرحلة الأولى من الدوم، كان لازم تكون لجنة قوية جدًا لتحديد من هو الأحق وأكثر موهبة وإبداع من بين آلاف المتسابقين، واللجنة دي تتمثل في "أستاذ الغناء ومدرب الصوت محمد أبو الخير ، كبير المذيعين في قناة Extra News شادي شاش ، مدرب التمثيل أحمد مبارك".
مواعيد برنامج الدوم بوابة النجوم
الإذاعة بتكون يوم الخميس والجمعة الساعه 11 مساءًا، والإعادة يوم الإثنين والثلاثاء الساعة 12 ظهرًا على قناة DMC.
اقرأ أيضا : منة شلبي من الخيال إلى الواقع