كتبت: إيمان توفيق
بنلاقي ناس بتستكتر على غيرها نجاحه، فلوسه، شغله، أهله، ضحكته، فرحته، جوازته الناجحة، أصحابه وصحته، بنحس بشرار طالع من عيونهم، ودقيقة كمان و هيقسم اللي قدامهم نصين مع إن محدش بياخد كل حاجة، والناس اللي بتحسد غيرها دي مايعرفوش الجانب المظلم من حياة الإنسان ده.
اللي بيحسدوا مش بيفكروا اللي نجح في حياته ده نجح إزاي، إزاي تعب، سهر وحرم نفسه من حاجات كتير؛ عشان يوصل للي هو فيه ده، واللي معاه فلوس عملها إزاي، قد إيه اتهان، والدنيا جت عليه، وحرم نفسه؛ عشان يجمع الفلوس دي، ويعيش حياة إلى حد ما مريحه، واللي بيشتغل ده كام مرة اترفض في كام شغلانه، وحاول يطور من نفسه ويجتهد ويطور مهاراته لحد ما اتقبل في شغله ده.
فيه حد عنده أهل كويسين، أو أصحاب أصيلة و ده بيبقي رزق من ربنا، وقصاد ده هو معندوش حاجات تانية بردو واللي جوازته ناجحة ده رزق بس هو عمل حاجات كتير، واستثمر في علاقته دي بمجهود، ووقت.
وكانت علاقته بشريك حياته فيها أخد وعطاء ومروا بمشاكل كتير وضحوا كتير عشان جوازتهم تنجح بس مفيش حد هيمشي يقول إنه عمل ده بعد تعب أو مر بعقبات كتير عشان يوصل لده و الصورة اللي فيها الضحكة الحلوة اللي بنشوفها محدش عارف هي مخبيه وراها إيه.
وللأسف الشديد فيه ناس بيوصل بيها الحال إنها تحسدك في وشك من كتر الغل اللي جواهم من ناحيتك وبنسمع قصص من دي كتير لناس اتقالهم جمل صريحة زي آه يا بختك عندك كل ده وإحنا لا، أنت ليه دايمًا بيجيلك كل حاجة وإحنا لا وكلام زي ده كتير، ماهو أغنية بيحسدوني لما بضحك و بيقولولي آه يابختك ماجاتش من فراغ.
طب هل أنت مؤمن بالحسد ولا مش مقتنع بيه؟
لو إجابتك لا فأعتقد إنك لازم تعيد النظر، وتغير فكرتك دي؛ لأن الحسد ذكر في القرآن والسُنة وهثبتلك ده بالدليل .
الحسد في القرآن الكريم والسنة:
الحسد ذكر في القرآن في الآية 5 من سورة الفلق، قال الله تعالي :
و الآية 109 من سورة البقرة :
والآية 54 من سورة النساء قال تعالي:
وفي الحديث والسُنة :
جه حديث للرسول عليه أفضل الصلاة والسلام في الموضوع ده وهو:
والحديث ده كمان :
الحسد ممكن يؤلم جسد، يمحي شغف، يفسد العلاقات، يدمر البيوت، وممكن يوصل إنه يتسبب في موت حد زي ما ذكر في الحديث اللي قولناه إن العين تُدخل الرجل القبر.
معني الحسد:
ليه الحسد اسمه كده ويعني إيه خمسة وخميسة؟
الحسد اسمه جه من اسم حشرة الحسدل، وهي حشرة بتشبه حشرة القراد اللي بيمص دم الكائنات الحية، والعلماء أطلقوا الاسم ده على الحاسد؛ لأن حسده لغيره بيخليه ياكل في نفسه و ده معناه إن الحاسد أصلًا بيتضر أكتر من المحسود.
الكاتب أحمد أمين في كتابه ( قاموس عادات وتقاليد وتعابير مصرية) اتكلم عن الجملة الشهيرة (خمسة وخميسة) اللي مرتبطة دايمًا بالحسد وبنقولها من غير ما نفهم معناها.. أحمد أمين قال إن معناها كأنك بترفع كفك في وش اللي بيبص لنعمة عندك بنظرة وحشة عشان تلهيه بصوابعك الخمسة وتبعد نظره عن النعمه اللي عندك دي.
وطبعًا لو أنت كنت من الشخصيات اللي بتعتقد في موضوع الخمسة وخميسة أو الكف، وإنه بيحمي من العين وكده، أو حتى لو بتعملها كتصرف تلقائي متعود عليه وأنت مش قاصد ده فتوب لله؛ لأن ربنا بس هو الحافظ واستبدل الخمسة وخميسة بكلمة ماشاء الله أفضل.
أنواع الحسد :
هل أي حد بيتمنى نعمه عند غيره يبقى كده بيحسده؟
أحب أبشرك وأقولك، لا
فيه فرق بين الحسد والحقد والغبط ..
الحسد: هو إنك تتمنى زوال النعمه من اللي قدامك وإنها تجيلك بداله وده بيكون من غير سبب.
الحقد: أشد من الحسد، و معناه إنك بتتمنى زوال النعمة من اللي قدامك حتى لو مش عايزها تجيلك، وده بيكون أحيانًا موجود بين الناس اللي بيكرهوا بعض، وبينهم خلافات يعني بيكون بسبب.
الغبطة: معناها الحسد المباح، وهي الشيء الحلو اللي مش بنتعاقب عليه، إنك تتمنى الحاجة اللي عند غيرك بس في نفس الوقت أنت مش بتتمنى إنها تزول منه، وبتدعيله بالبركة عليها.
طب هل أنا ممكن أكون حاسد وأنا مش واخد بالي؟
الإجابة أيوه، هقولك إزاي ..
بما إننا فهمنا الفرق بين الحسد، الحقد والغبطة يبقي تفهم من كده إن أول ماتشوف حاجة حلوة مع حد، و تحس إنك فرحان له وبتدعيله بالبركة سواء بتتمنى الشيء ده أو لا يبقى أنت كده مش حاسد ولا حاقد وده اللي يهمنا لأن الحاسد والحاقد في النار وأكيد مانحبش نبقى كده، طب أمتى تبقى حاسد بقى؟
تبقى حاسد لو حسيت بضيق جواك لما تشوف نعمه عند غيرك وتكون النعمة دي مش عندك أو لسه ربنا مكتبهاش ليك.
طب هل الإنسان ممكن يحسد نفسه أو حاجة تخصه؟
أيوه ممكن وده في حالة لو بصيت لنفسك، أخلاقك أو أي حاجة من ممتلكاتك بنظرة عين سلبية، اللي هي نظرة فخر وإعجاب وكبر وده ممكن يبقى سبب من أسباب زوال النعمه؛ لأنك بتنسى ساعتها إن ده فضل من ربنا عليك والدليل على ده جه في القرآن في قصة أصحاب الجنتين (الحديقتين) في الآيات 34 و35 من سورة الكهف..قال الله تعالي :
واحد افتخر بحديقته وإنها أحسن من حديقة صاحبه لدرجة إنه ظن إنها مش ممكن تزول وظلم نفسه بأنه نسى إن دي نعمة و فضل من ربنا عليه، فكانت نتيجة فخره وإعجابه ده إن النعمة زالت منه وده جه في الآيات 42 و43 من نفس السورة قال تعالي:
يعني حديقته اتدمرت وبقى بيضرب كف على كف في حسرة وندامة ويقول إنه ياريته عرف نعمة ربه وشكره عليها.
طب إزاي أحمي نفسي من الحسد ؟
مبدئيًا إحنا مقتنعين طبعًا بإن مش هيصيبنا إلا اللي مكتوبلنا، قال الله تعالي في الآية 51 من سورة التوبة:
والحسد تأثيره ضعيف إلا لو توافق تأثيره مع القدر يعني كان مكتوب إن الضرر ده يحصل، والحسد كان السبب اللي خلاه يحصل بس برغم ده كله إحنا مطالبين بالأخذ بالأسباب، وإننا نحمي نفسنا، والطريقة اللي تحمي نفسك بيها من الحسد والعين بإذن الله هي كالآتي:
- إنك تحصن نفسك بالأذكار.
- تقرأ المعوذتين والفاتحه والإخلاص وترقي نفسك بيهم.
- ماتنزلش صور ليك أو لأي حاجة حلوة تخصك على السوشيال ميديا؛ لأن أنت ماتعرفش اللي بيبص لصورك بيبصلها بعين عاملة إزاي.
طب تحمي نفسك من إنك ماتحسدش غيرك أو نفسك إزاي؟
الرسول عليه أفضل الصلاة والسلام قالنا الحل لده فالحديث الآتي :
يعني لما تشوف حاجة عجباك ادعيلها بالبركة وقول ماشاءالله لا قوة إلا بالله، تبارك الله، وده كمان ذكر في القرآن الكريم في قصة أصحاب الجنتين اللي حكيناها لما الرجل افتخر بحديقته، صاحبه رد عليه في سورة الكهف الآية 39 ..قال الله تعالي:
كان بينصح صاحبه إنه يدعي بالبركة وإنه لا يشرك به ويذكر فضل ونعمة الله عليه.
و في النهاية: أحب أقولك حاول تراقب مشاعرك عشان ما تقعش في الحسد واتعود تقول ما شاء الله على أي حاجة وقولها لأي حد بصوت عالي لما تعجبك حاجة معاه؛ لأن كلنا بلا استثناء بنتطمن لما بنسمع كلمة ما شاء الله وبنحس إن اللي قدامنا خايف علينا ومش عايزلنا الشر فاتعود تقولها دايمًا واحمي نفسك من الحسد بالطريقة اللي قولناها و بإذن الله ربنا هيحفظك.