كتبت شهيرة السيد
الصحراء البيضاء توجود في واحة الفرافرة بغرب مصر وتعد بمثابة كنز من العجائب، فهى أشبه بـ كوكب آخر موجود على الأرض.
بس خليني أقولك إنك قبل ما توصل للصحراء البيضاء بتعدي على الصحراء السوداء، و دي صحراء يوجد بها عدد من السلاسل الجبلية مُحملة بطبقة من الأحجار السوداء نتيجة البراكين إللي كانت بتحصل من ملايين السنين.
و بعد وقت من المشي هتلاحظ إن المكان حواليك فاضي وخالي من أي علامات وطبيعي في الحالة دي هتحتاج عربية علشان توصلك للصحراء البيضاء.
و سميت بالاسم ده علشان أرضيتها من الطباشير الذي لونة أبيض ثلجي و فيها وحدات چيولوچية على شكل عمدان من الطباشير وفيها بعض الأشجار الصحراوية وحيوانات برية مهددة بالإنقراض زي الغزال الأبيض والكبش الأروي.
وكان يُطلق عليها رحالة الصحراء الغربية بـ 'سيبيريا الجليدية' و بحلول الليل كان البدو بيحضروا العشاء التقليدي للزوار، وبتتميز بجمالها الليلي ؛ و من ضمن المعالم أيضًا إللي بتميز الصحراء 'جبل الكريستال' بيضم أكتر من ١٢٥ نوع من أنواع الكريستال.
فهى من أجمل الأماكن للزيارات ورحلات التخييم، وحصلت على المركز الأول كونها الأكثر غرابة بين المواقع السياحية وفقًا لموقع 'Trip Advisor' واختارتها 'وكالة ناسا' لإجراء الأبحاث الخاصة لكوكب المريخ.