كتبت أيه أبو النجا
دايمًا بنسمع عن النظرية المعروفة بـ "نظرية المؤامرة " للقضاء على عدد كبير من البشر بس أغلب الناس مش بتصدق اللي بيتقال، لكن لازم نصدق ونخاف لما يكون في فيروس معين تم تحديد تاريخ ظهوره والمكان اللي هينتشر منه في دراسة اتعملت من قبل انتشاره بسنة ! والدراسه دي بتقول إن في وباء تم تعديله وراثيًا لكونه جزء من مؤامرة عشان يتحول لجائحه جديدة بعد فيروس كورونا، وهو وباء "جُدري القرود" اللي هيقضي على أكتر من ربع مليار إنسان.!
ظهور جُدري القرود
ظهر أول مرة في سنة 1958 لما اكتشفوا مرض غريب أصاب عدد كبير جدًا في مستعمرة القرود في الدنمارك، وفي سنة 1970 تم اكتشاف أول حالة من مرض الجُدري عند إنسان ومن ساعتها والمرض انتشر في أماكن كتير في غرب ووسط أفريقيا، وكان موجود في أوروبا وأمريكا لكن حالات نادرة.
أنواع جُدرى القرود
في نوعين من فيروس جُدري القرود وهما : "جُدري القرود الوسط أفريقي، وجُدري القرود الغرب أفريقي" ؛ ونسبة الوفيات من جُدري القرود الغرب أفريقي 10% من المصابين ويعتبر أقل في الخطورة من جُدري القرود الوسط أفريقي، لأن نسبة وفياته بتوصل لـ 30% ، وبسبب كده العالم كان كل تركيزه مع الجُدري الوسط، وعملوا محاولات كتيرة عشان يلاقوا لقاح، وفي سنة 1980 منظمة الصحة العالمية أعلنت إنهم صنعوا لقاح وتم القضاء على فيروس الجُدري من العالم كله.
بس الغريب إن في شهر مايو 2022 ظهر جُدري القرود من تاني في دولة بريطانيا لشخص مصاب بفيروس الجُدري، ومن بعد الإعلان عن الحالة والإصابات بتزيد أكتر في أغلب دول أوروبا، ومش بس كده ده كمان في حالات ظهرت في كندا وأمريكا.
أعراض جُدري القرود
تتراوح فتره حضانة مرض جُدري القرود من 7 لـ 14 يوم، وممكن توصل لمده 21 يوم وأعراضه بتكون : " التعب والإرهاق، ألم في الظهر، الصداع، الحمى، ألم في العضلات."
وبعدها بيبدأ يظهر الطفح الجلدي اللي في الغالب بيظهر على الوجه في الأول، وبعد كده بيبدأ ينتشر في باقي أجزاء الجسم وبينتهي بالشفاء أو بوفاة الشخص؛ والغريب إن حالات الإصابة بدأت تزيد بشكل كبير لحد ما المسؤولين في منظمة الصحة العالمية أعلنوا إن الفيروس بقى خطير وبينتشر بسرعة غير طبيعية.
ظهور مستندات بتأكد إن الفيروس بفعل فاعل مش صدفة
في شهر مارس سنة 2022 الحكومة الروسية أعلنت إنها بتمتلك وثائق بتثبت إن الغرب متورط في هجوم بيولوچي، وبيقوموا بتمويل مشروع بيتعمل في المختبرات الأوكرانية بهدف نشر الأوبئة في العالم عن طريق الخفافيش والزواحف والطيور.
ولو رجعنا بالزمن ورا سنه تحديدًا في شهر مارس 2021 هنلاقي إن في منظمة عالمية تعرف بـ "مبادرة التهديد النووي" عملت بحث ودراسة عشان تتوقع إيه اللي هيحصل في العالم لو في وباء جديد ظهر، وإزاي يتم حماية العالم منه.
والدراسة دي كان بيتم تمويلها من مؤسسة رجل الأعمال " بيل جيتس"، وظهرت نتيجة الدراسة اللي كانت بتناقش سيناريو خيالي للنموذج المكون من 4 مراحل اللي بيتكلم عن هجوم إرهابي عن طريق استخدام نسخة معدلة من وباء تم صنعها في المختبر، وهيتم الاختبار على دولة وهمية سموها "برينيا"؛ وإتقال في الدراسة إن الوباء هيتسبب في كارثة بيولوچيه وهيتم تصنيفه كوباء عالمي.
مراحل سيناريو وباء جُدري القرود
" المرحلة الأولى " المحاكاة افترضت إن بداية ظهور وباء جُدري القرود هتكون في 15 مايو سنة 2022 في دولة وهمية تسمى "برينيا"، وفي يوم 5 يونيو المرض هيصيب 1421 واحد في العالم وهيموت 4 أشخاص.
" المرحلة التانية " توقعوا في الدراسة إن مع بداية سنة 2023 وتحديدًا يوم 10 يناير هيكون الوباء وصل لـ 83 دولة في العالم، وأصاب 70 مليون واحد وهيموت منهم 1.3 مليون شخص، وفي المرحلة دي العالم هيكتشف إن الفيروس تم تعديله وراثيًا وقادر على مقاومة كل اللقاحات التقليدية.
" المرحلة التالتة" ودي هيحصل فيها إن بعد مرور سنة كاملة من ظهور فيروس جُدري القرود هيكون أصاب ما يقرب لـ 480 مليون شخص في العالم ومات أكتر من 270 مليون شخص؛ وساعتها هيتم الكشف عن هوية التنظيم اللي قام بإطلاق الفيروس.
" المرحلة الرابعة " ودي هتكون في نهاية شهر ديسمبر سنة 2023 وهيكون الفيروس وصل لـ إصابة حوالي 305 مليار شخص، وعدد الوفيات 270 مليون شخص.
الغريب بقى إن اللي بيحصل في العالم دلوقتي هو بالملي اللي إتقال في محاكاة الدراسة من سنة ! والأغرب إنه انتشر في نفس التوقيت اللي اتحدد في الدراسة، ده غير كمان "برينيا" اسم الدولة الوهمية اللي افترضتها الدراسة إنها هتكون نقطة البداية لظهور الفيروس، والاسم الوهمي في شبه كبير جدًا من اسم الدولة الحقيقية اللي ظهر فيها وهي دولة "بريطانيا."
هل كل ده متخطط ضمن مؤامرة تقليل عدد البشر على الكوكب وفي جهة خفية بتعمل ده ؟ ولا كل ده ما هو إلا صدفة .. والأغرب من ده كله إزاى دراسة بيل جيتس قدرت تعرف تاريخ إطلاق الوباء بالظبط من قبلها بسنة ! هل بيل جيتس متورط.؟
والمرعب أكتر إن كل النتايج اللي قالتها الدراسة في باقي مراحل السيناريو الخيالي هل هتحصل فعلًا زى ما حصل أول مرحلة.؟