كتبت شهيرة السيد
عادات وتقاليد الزواج تختلف من مكان لمكان ، و من أغرب المراسم والحاجات اللي بتحصل :
▪️ في الصين
'شجرة العروس' اللي من خلالها بتتسلق العروسة أعلي الشجرة ، و محاولة العريس الصعود ورائها برغم محاولات منعه من أهل العروسة ؛ ولو استطاع العريس أن يتسلق الشجرة ويصل للعروسة ، فإنه يستطيع الزواج بها.
▪️ في الهند
بيدهنوا العروسة بالكركم والليمون وبترسم الحناء علي يديها ورجليها ، وتلبس الرداء الرصين.
ويوم الفرح بيخلع العريس حذاءه ، وأهل العروسة يحاولون سرقة الحذاء لكن أهل العريس بيمنعوهم من سرقته ، ولو تم سرقة الحذاء ، يدفع العريس فدية ليسترد حذاءه.
▪️ في إسكتلندا
بتظهر العروسة يوم فرحها بأبشع و أقبح صورة لها ، ويلقوا عليها القمامة ، على اعتقاد إنها كده هتكون قادرة تتحمل مسؤولية الزواج.
▪️ في أيرلندا
الوضع مختلف شوية لأنهم بيؤمنوا إن في جنّيات بتسرق أي شيء جميل على الأرض، و بما إن العروسة بتكون جميلة يوم فرحها ، فبيخافوا إنها تتخطف ، و يخلوها متلمسش الأرض برجليها.
▪️ في كونغوليا
العريس والعروسة بيكتموا فرحتهم وبيخفوا سعادتهم يوم فرحهم من بدايته لنهايته ، ده حتى مش مسموح لهم يضحكوا أو يبتسموا ؛ ولو حصل وابتسموا فده هيدل على أنهم غير جادين في حياتهم الزوجية.
▪️ في ألمانيا
أصحاب العروسة وأهلها بيجتمعوا ويكسروا الأطباق والكوبايات ، و أي حاجة قابلة للكسر ، وبعد ما يخلصوا العروسة بتعيد ترتيب وتنظيف البيت ، على اعتقاد إنها بالشكل ده هتقدر تعتمد على نفسها وتتحمل المسؤولية.
▪️ قبيلة جوبيس الأفريقية
عارفين إن الستات فيها داء الثرثرة ، فبيخلوا العروسة تعمل ثقب في لسانها ، ويمرر العريس خيط في هذا الثقب كأنه بيلضم خيط في إبره ؛ ولو أكثرت العروسة من كلامها فيشد العريس الخيط عشان يسكتها.
▪️ غينيا الجديدة "قبيلة داني"
من أغرب المراسم و العادات اللي بتحصل إن العريس بيقطع إصبعه وبيقدمه للعروسة تعبيرًا عن حُبه الشديد لها ؛ وفي حالة موت الزوج بـ تقطع الزوجة أصابعها وتدفنها معه تعبيرًا عن إخلاصها ووفائها له.