بقلم مي فتحي
القلوب مع الوقت بنكتشف إن مكانة الناس جواها اتغيرت ، حتي إحساسنا بيها أتغير .. الحقيقة إن مفيش حاجه مضمونه، خصوصًا الحب اللي جوا القلوب.
في ناس بتستغرب المعاملة اللي لوحدها بتتغير بسبب أفعالهم ومكانتهم اللى قلت جوا القلوب .. بيشوفوا إن دا مش من حقنا لمجرد أنهم كانوا ضامنين حبهم جوانا.
مفيش حد بيشوف الخيبة والأذي النفسي وأثر وجعه جوانا لمجرد إن احنا كنا بنعدي عشان نكمل ، مقتنعة جدًا إن كل واحد قادر يكون مكانته بنفسه جوا القلوب.
الحب عشان يفضل موجود في القلوب محتاج مجهود ، محتاج حد يكون مقدر الحب دا ومكانته جوا القلب دا ، محتاج معافرة وتحمل مش سكوت وبعد وجفا.
الإنسان بطبعه بيحب يحس إنه محبوب ، مرغوب فيه ، يحس بالأمان ، يحس إن في حد معاه ، مش طول الوقت خايف ولا ضامن حبه جوا القلب.