بقلم مي حمدين
ما بين اللحظة والتانية مشاعرنا بتتغير ، قلوبنا بتتغير نفوسنا بتتغير نظرتنا للناس وللأُمور بتتغير.
بنتحول لناس تانية قادرة تبعد وتكره وتسيب مع كل لحظة ولحظة بنتأكد إننا نستحق نكون كويسين وأفضل ديماً .. منبقاش الطرف اللى ديماً بيجي على نفسه ولما يقرر يحترم حزنة ومشاعره واللى باقي من نفسه نتشاف اننا وحشين.
حبينا ناس كتير حطناهم في مكان كان صعب بل مستحيل حد يوصله وهما بـ أيديهم كانو سبب في وجع هيفضل يتحفر جوانا مع كل مرة بنشوفهم فيها حتي لو مش مبينين دا.
هفضل مقتنعة أن ( الإنسان أكتر كائن مؤذي في العالم ) عشان ديماً قادر انه يكسر ويوجع من غير ذرة ندم ..
قلوبنا تستحق الفرح والراحة ديماً عشان والله مفيش جوانا غير الحب والخير ليكم .. كل واحد قادر يحط نفسه في مكان يبقى مخصص له لوحده وفي نفس الوقت قادر يمحي المكانة دي بـ ايده.
مازال قلبي بيوجعني مازلت بفتكر كل كلمة وكل لحظة وكل وجع حسيت بيه ، مازلت مش قادره اتعافى مازالت دموعي بكتمها وأكتر حاجه وجعاني أن أنا عمرى ما كنت أتخيل أن دا في يوم من الأيام يحصل.