كتبت شهيرة السيد
لما حد بيحلم ويقوم فجأة من النوم مفزوع بنجري عليه ونقوله ده كابوس ونشربه ماية ونقوله سمي الله وينام ، علي اعتقاد إن الكابوس ده حاجه وحشه ، لكن الحقيقة في دراسة بتأكد إن ليها فوائد.
و إن الكوابيس اللي بنشوفها وقت النوم دي بتساعدنا وتمنحنا القدرة والطاقة أننا نتعامل مع اي ضغوط تواجهنا طول اليوم ؛ و دي معلومة أكدها فريق باحثين في جامعة "تافتس الأمريكية."
ده غير أن في دراسة تانيه قاموا بإجراء تجربة علي ١٨ شخص ووضعوا علي رؤوس الأفراد دي أجهزة مراقبة أثناء النوم ، وبدأوا في مراقبة نشاط الدماغ .
و وجدوا أن الفص الجزيرى والتليف الحزامى في منطقة الدماغ يزداد فيها النشاط ، والمناطق دي هي اللي بتتحكم في المشاعر العاطفية ، وعلي عكس انها بتكون منخفضه النشاط وقت الاستيقاظ.