بقلم مي حمدين
هل هنقدر نستمر في دفع نفسنا ديماً اننا قادرين نتحمل ونكمل؟ طب لحد امتى ؟
امتى هنحس بقيمتنا ونحترم وجعنا ونقف نطالب بحقنا من اللى وصلونا للحال دا !!
عارفين إيه أصعب إحساس ممكن حد يعيش فيه ، إنه يحس طول الوقت إنه فعلاً مش قادر يعمل حاجة واقف مكانه مش قادر حتى يطلب حقه ، إنه طول الوقت مُطالب بإنه يكمل وميبنش عليه انه ميقعش عشان لو وقع هيرجع تاني لنقطة الصفر وكل اللى فات ولا حاجه، الأسوأ من انك تخون ثقة حد فيك ..وتكسره بنفس درجة الحب اللى حبك بيها..
انك تشوف كسرك لقلبه دا شئ عادي ، لا ومستمر ومكمل فيه وشايف انك مش غلطان.. و تجبره كل يوم يتمنى الموت لمجرد انه ادالك كل الحب اللى جواه ووثق فيك ..
اقذر حاجه ان الإنسان يعيش وهو مجبر على عيشته لمجرد إنه مش لاقي حل تاني..ومش بيتقال إنه عايش بالعكس بيبقي بيموت في اليوم الف مرة في نفس اللحظة عشان مستمر في إنه يتعامل انه كويس رغم ان كل حاجه جواه بتصرخ بـ أعلى صوت ..
و ليه حد تأمنه على نفسك وروحك وحياتك يبقى سبب في تدميرك ..ليه الانسان مؤذي ومقرف أوي كدا ..ليه بجد ؟!